【名家专栏】【Kenneth Kwok】数业人生:只说不做,

最后编辑于 2020-05-22
172 94 969
「数据」

数据分析唔净只係分析咁简单,当然首先要了解公司嘅需要,因为好多时都要知道要係边度收集数据。但係通常问题嘅源头都係由收集开始,因为如果一开始收集返嚟嘅数据都已经有问题,基本上之后做乜嘢嘅分析都无用。而且好多公司一开始都唔想改变,好多数据基本上有等于无,就算口讲话想做好啲分析,只不过又唔肯去做。如果而家依然仲係斋讲嘅话,基本上慢慢就会俾人淘汰。

「醒觉」

其实数据无话多与少,只係分有用定无用。有时唔分析过又未必知有无用,所以唔驶谂太多,做咗先讲。有时真係好怕一啲做到天一半地一半嘅公司,就算帮佢哋执返靓啲数据,做好晒啲分析,讲解埋份报告,但係到最后听完就算。咁不如真係唔好做啦,坚係嘥心机捱眼瞓。讲就话想用数据去做多啲嘢同做好啲嘢,点知到最后都係还原基本步。真係唔知佢哋几时先至醒觉。

「落后」

啱啱返嚟香港其实就已经知道係数据分析嚟个行业有几落后。以前都只係觉得落后三至五年,依家真係分分钟落后十年以上。当然每间公司都要跑数,所以无办法,始终都要向现实低头。只不过继续追求短线嘅业务而唔作出长远嘅改变,到头来都只会继续萎缩。要转型唔係一朝一夕嘅事,唔投资又点会有回报,就算做咗但係又唔肯行嘅话,咁边度会有突破呢?有时真係太过保守,死牛一面颈!

本文内容由作者 Kenneth Kwok 授权转载,原文标题为:做先讲,文章标题由 TechApple 编辑部修订。以上言论属于作者个人意见,并不代表 Techapple.com 立场。

【名家专栏】【Kenneth Kwok】数业人生:只说不做,作者简介:郭嘉俊 Kenneth Kwok ,毕业于澳洲麦觉理大学工商管理硕士,近年专注数据分析行业推广同发展。曾从事平面设计,网站开发,企业管理及商业谘询等工作,于 2010 年创办 Beehive Strategy (蜂策略),为亚太地区不同企业提供数据分析服务。公司网址:Beehive Strategy


上一篇: 下一篇:
你可能还喜欢以下内容