【名家专栏】【Kenneth Kwok】数业人生: 强项与弱

最后编辑于 2020-05-22
957 49 604
「长短」

相信大家出嚟社会做嘢都见过唔少工,通常都会被问到你嘅强项同弱项。咁究竟你又会点答呢?要了解一个人嘅长短,强弱唔係一时三刻嘅事,有时要係现实嘅环境去尝试。一个团队係要互相配合,互补长短,所以无需刻意强调自己嘅强项同轻轻带过自己嘅弱项。用人唯才,无人係完美,而聪明嘅管理係用人嘅强项多于弱项。咁先至可以建立一个完美无瑕嘅团队。

「面试」

如果面试嘅时候有人问你嚟个问题你会点答?面试你嗰个人係街度撞到你朋友,你会觉得你嚟位朋友会点形容你?而如果嚟位朋友其实同你不和,甚至绝交嘅话,你又觉得佢会点样形容你?我相信你都会谂一谂,究竟人哋会点睇自己?当然人哋点睇你唔係最重要嘅问题,而係你自己觉你自己係个乜嘢嘅人。唔知有无人面试嘅时候俾人问过类似嘅问题呢?

「了解」

要係短短一个钟头去了解一个从未见过嘅人,其实难度非常之高!好多时都真係凭经验,凭感觉。当然係面试嘅时候都希望透过唔同嘅问题令大家了解更多,而有时啲问题都离唔开个人同工作有关嘅问题。不过有时要再深入理解嘅话,一般嘅问题係好难达到目的。以前係大公司上堂嘅时候做以冰山作比喻,因为通常面试嘅时候只会接触一啲表面嘅嘢。所以有时啲问题唔係要刁难你,只係想再深入咁了解多啲啫。


本文内容由作者 Kenneth Kwok 授权转载,原文标题为:强与弱,文章标题由 TechApple 编辑部修订。以上言论属于作者个人意见,并不代表 Techapple.com 立场。

【名家专栏】【Kenneth Kwok】数业人生: 强项与弱作者简介:郭嘉俊 Kenneth Kwok ,毕业于澳洲麦觉理大学工商管理硕士,近年专注数据分析行业推广同发展。曾从事平面设计,网站开发,企业管理及商业谘询等工作,于 2010 年创办 Beehive Strategy (蜂策略),为亚太地区不同企业提供数据分析服务。公司网址:Beehive Strategy


上一篇: 下一篇:
你可能还喜欢以下内容